Atyraý munaı óńdeý zaýytynda zııandy zattar shyǵaryndylarynyń 277 kózi bar
ATYRAÝ. QazAqparat – Atyraý munaı óńdeý zaýytynda zııandy zattar shyǵaryndylarynyń 277 kózi bar, dep habarlaıdy QazAqparat.
Bul týraly Atyraý oblysyna kelgen Ekologııa, geologııa jáne tabıǵı resýrstar mınıstri Serikqalı Brekeshev málim etti.
«AMÓZ» JShS nysandary Atyraý qalasynyń sheginde ornalasqan. Atmosferaǵa shyǵaryndylar qala turǵyndary tarapynan shaǵymdy týdyryp otyr. Jyl saıyn AMÓZ atmosferaǵa 10 myń tonnadan astam lastaýshy zattardy shyǵarady. Zaýytta atmosferaǵa zııandy zattar shyǵaryndylarynyń 277 kózi bar. Osyǵan baılanysty taldaý júrgizý, zııandy zattardyń sanyn azaıtý, munaı quıý estakadalaryn býlardy rekýperatsııalaý qondyrǵylarymen jaraqtandyrý qajet», - dep málim etti Serikqalı Brekeshev.
Mınıstr Ekologııalyq retteý jáne baqylaý komıtetine «AMÓZ» JShS-niń jobalyq materıaldaryna ekologııalyq saraptama júrgizý kezinde lastaýshy zattardyń shyǵaryndylaryn azaıtý jónindegi is-sharalardy qosyp, iske asyrýdy qamtamasyz etýdi tapsyrdy.
«2019 jyly júrgizilgen tekserý nátıjeleri boıynsha munaı ónimderi bar tazartylǵan sarqyndy sýlardy aǵyzý deregi anyqtaldy. Aıyppul sanktsııalarynyń jalpy somasy 70 mln teńgeden asty. Osyndaı jaǵdaı 2021 jyldyń sońynda da oryn alyp, aıyppul somasy 29 mln teńgeden asty. «AMÓZ» JShS tıisti óndiristik ekologııalyq baqylaýdy qamtamasyz etip, normatıvten tys emıssııalarǵa jol bermeýi qajet. «Týhlaıa balka» býlaný alańyn rekýltıvatsııalaýdy, sondaı-aq, aǵyzý kanalyn rekýltıvatsııalaý, mehanıkalyq jáne bıologııalyq tazartý qurylystarynyń qondyrǵylaryn qaıta jańartý jumystaryn jedeldetýi qajet», -dedi Serikqalı Brekeshev.
Eske sala ketelik, budan buryn Atyraý oblysynda sýalǵan ózender máselesi qalaı sheshiletinin habarlaǵan edik.
