Atyraý munaı óńdeý zaýytynda josparly jóndeý júrgiziledi

NUR-SULTAN. QazAqparat – Atyraýdaǵy munaı óńdeý zaýytynda josparly jóndeý jumystary júredi, bul kezde nysan tolyǵymen toqtatylmaıdy, dep habarlaıdy QazAqparat energetıka mınıstrligine silteme jasap.

«Qyrkúıek-qazan aılarynda ónerkásiptik qaýipsizdik talaptaryna jáne jabdyqtar men qubyrlardy, elektr jabdyqtaryn, tehnologııalyq protsesterdi basqarýdyń avtomattandyrylǵan júıesin (TPBAJ) jáne baqylaý-ólsheý aspaptaryn (BÓA) kýálandyrýǵa baılanysty Atyraý MÓZ-de josparly aldyn ala jóndeý júrgiziletin bolady.

AMÓZ-diń artyqshylyǵy – munaıdy qaıta óńdeýdiń eki aǵyndy shemasy, ıaǵnı obektiler kezekpen toqtap, iske qosylady. Zaýyttyń 50-70% qýaty jumysyn jalǵastyrady, obektiler tolyq toqtatylmaıdy», - delingen vedomstvonyń aqparattyq habarlamasynda.

Foto: m.azh.kz