Atyraý munaı óńdeý zaýytynda mazýt órtendi
NUR-SULTAN. QazAqparat – Búgin «Atyraý munaı óńdeý zaýyty» JShS kásipornynda mazýt órtendi, dep habarlaıdy QR Ekologııa, geologııa jáne tabıǵı resýrstar mınıstrliginiń Facebook-paraqshasyna silteme jasap.
Mınıstrliktiń habarlaýynsha, Atyraý oblysy boıynsha ekologııa departamentiniń qyzmetkerleri oqıǵa ornyna shyǵyp, jeldiń baǵytyna sáıkes kásiporynnyń sanıtarlyq-qorǵaý aımaǵynyń shekarasynda, sondaı-aq Atyraý qalasynyń aýmaǵynda atmosferalyq aýasynyń sapasyn anyqtady.
«Taldaý nátıjeleri ShRK-dan asyp ketpegendigin kórsetti. Sonymen, kúkirtti sýteginiń naqty kórsetkishi 0 mg/m3, azot dıoksıdi 0 mg/m3 , kómirtegi oksıdi 0,50 mg/m3, benzol 0,002 mg/m3 qurady. Mólsherden asýdyń bolmaýyna qaramastan, qazirgi ýaqytta ekologııa departamenti «Atyraý munaı óńdeý zaýyty» JShS-ne qatysty jospardan tys tekserý júrgizýdi josparlap otyr. Tekserý qorytyndysy qosymsha habarlanatyn bolady»,-delingen habarlamada.
