Atyraý munaı óńdeý zaýytynda kómirsýtegin óndirý kesheniniń qurylysy bastaldy
ASTANA. 14 tamyz. QazAqparat - Atyraý munaı óńdeý zaýytynda hoshıisti kómirsýtegin óndirý kesheniniń qurylysy júrip jatyr. Bul týraly QR Munaı jáne gaz mınıstrliginiń baspasóz qyzmetine silteme jasaǵan Pm.kz saıtynan habarlanady.
«Qurylys alańdarynda qada qaǵý, irgetas negizin qalaý, irgetasqa gıdroızolıatsııa jasaý jáne betondaý sııaqty jalpyqurylystyq jumystar júrgizilýde», - delingen vedomstvo habaorlamasynda.
Sonymen qatar, óndirýshi zaýyttarǵa qondyrǵylar, onyń ishinde reaktorlyq apparattar, kompressorlar men ksılol retsıkli kolonnasyn jetkizýge tapsyrys bergen.
Qazirgi kezde 948 birlik qondyrǵy satyp alýǵa kelisim jasalǵan. Jalpy, barlyǵy 1138 birlik ártúrli qondyrǵy satylyp alynbaqshy.
Hoshıisti kómirsýtegin óndiretin keshenniń qurylysy benzol men paraksıloldyń qosylǵan quny joǵary ónimin alýdy jolǵa qoıýǵa, tehnologııalyq qýatty qaıta qurýǵa múmkindik beredi, Qazaqstandy sapaly motor otynymen jáne munaı hımııasy shıkizatymen qamtamasyz etedi, sondaı-aq munaı ónimderi eksportynyń sapasyn jaqsartady. Jobany 2013 jyly aıaqtaý josparlanyp otyr.
