Atyraý munaı óńdeý zaýytynda bolǵan órttiń sebepteri anyqtaldy
ATYRAÝ. QazAqparat - Atyraý munaı óńdeý zaýytynda ELOÝ AVT-3 blogynyń qubyr jelisi órtendi, dep habarlaıdy «Qazaqparat» HAA tilshisi oblystyq TJD baspasóz qyzmetine silteme jasap.
«Atyraý munaı óńdeý zaýytyndaǵy órt ELOÝ AVT-3 qondyrǵysy ornatylǵan tsehtardyń birinde bolǵan. Qubyrlar jelisinen shyqqan jalyn 10 sharshy metr aýmaqqa jaıyldy»,- dep jazylǵan vedomstvo taratqan habarlamada.
TJD mamandarynyń málimetinshe, zaýyttaǵy órt týraly habar, kezekshi pýltke 11 jeltoqsan kúni 9.57-de túsip, saǵat 10.30-de tilsiz jaý tolyq aýyzdyqtalǵan. Zardap shekkender týraly málimet joq.
ELOÝ-AVT-3 qondyrǵysy paıdalanýǵa 1969 jyly berilgen bolatyn. Birneshe márte jańalanǵan qondyrǵynyń kómegimen ýaıt-spırt, reaktıvti jáne dızel otyndary, mazýt, vakýýmdyq gazoıl, gýdron jasalady.
Atyraýdaǵy janar-jaǵarmaı óndirý jumystaryna órttiń qanshalyqty áser etkeni týraly ázirge aıtylǵan joq.
