Atyraý Munaı-óńdeý zaýyty jumysyn tolyq toqtatady
«Aǵymdaǵy jylǵy 18 tamyzdan bastap «Atyraý MÓZ» JShS kásiporyn jumysyn alǵash ret tolyq toqtatyp, josparly kúrdeli jóndeý jumystaryn bastaıdy. Ol 29 qyrkúıekke deıin jalǵasady, ıaǵnı tehnologııalyq jabdyqtyń uzaq, qaýipsiz, senimdi jumysyn qamtamasyz etýge baǵyttalǵan sharalar keshenin atqarý josparlanýda», - dep habarlady AMÓZ baspasóz qyzmetinen.
Kúrdeli jóndeýge daıyndyq aıasynda munaı óńdeýshiler zaýyttyń tehnologııalyq jabdyqtalýyn egjeı-tegjeıli tekserip, barlyq máselelerdi pysyqtady. Eskirgen jabdyqtar aýystyrylady. Tútiksheler men apparattar tehnıkalyq tekserýden ótkiziledi. Sorǵy-kompressorlyq jabdyq jóndelip, tehnıkalyq peshter men qubyr ótkizgishter tekseriledi. Energetıkalyq jabdyqtar, aspaptar jóndeledi.
«Josparly jóndeý jumystary otyn naryǵynyń turaqtylyǵyna áser etpeıdi», - dedi zaýyttyń baspasóz qyzmetinde.
AMÓZ-den atap ótkendeı, jóndeý jumystaryn bastar aldynda rezervýarlar áleýmettik mańyzdy munaı ónimderimen toltyryldy. Bul óńirdiń suranysyn qamtamasyz etýge jetkilikti. Jumysty toqtatý kestesi QR Energetıka mınıstrligimen kelisilgen.
