Atyraý munaı óńdeý zaýyty jospardan artyq janar maıdy óndirýge kiristi
ASTANA. QazAqparat - Atyraý munaı óńdeý zaýyty óndiristik jospardy oryndady, dep habarlaıdy zaýyttyń buqaramen baılanys jónindegi bólimi.
«11 aıdyń qorytyndysy boıynsha, munaıdy óńdeýde jáne munaı ónimderin shyǵarýda jospar tolyqtaı oryndaldy. Ol 100 paıyzdan asty. Búginde zaýyt jospardan tys 27,5 myń tonna munaı óńdedi», delingen habarlamada.
Jyldyq jospar boıynsha zaýyt 16 jeltoqsanǵa qaraı 587,1 myń tonna avtokólik benzınin, 29 jeltoqsanǵa qaraı 1 370,3 myń tonna dızeldi otynyn, 22 jeltoqsanǵa qaraı 808,1 myń tonna vakýýmdy gazoıl óndiredi.
2016 jyldyń 12 jeltoqsanynda reaktıvti otyn óndirisi (116%), pesh otyny (100,2%), benzol (125,6%), suıytylǵan gaz (113,5%), kúkirt shyǵarý (124,3%) oryndalǵan.
Sonymen qatar jyl aıaǵyna deıin qosymsha 32 myń tonna avtobenzın, 1,5 myń tonna dızeldi otyny, 7,1 myń tonna suıytylǵan gaz óndirý kózdelip otyr.
