Atyraý munaı óńdeý zaýyty óndiris kólemin eki esege kemitedi

ASTANA. QazAqparat - Dúısenbide bolǵan órtten keıin  Atyraı munaı óńdeý zaýyty óndiris kólemin táýligine 14 myń tonnadan 7 myń tonnaǵa deıin azaıtatyn boldy, dep habarlaıdy kompanııanyń baspasóz qyzmeti.

«Óndiris kólemi  táýligine 14 myń tonnadan 7 myń tonnaǵa deıin kemıdi. Taýarlyq ónimniń táýliktik  óndirisi: dızel otyny boıynsha táýligine 1 600-1 800 tonna, benzın táýligine 1000 tonnanyń  aınalasynda» dep jazylǵan habarlamada

Munaı óńdeý kólemine qosalqy demeý retinde táýligine qosymsha  7000 tonna  AT-2 bastapqy óńdeý jumystary qatar júrgizilmek.

Qazir jospardan tys oryn alǵan oqıǵanyń mán-jaıyn anyqtaıtyn arnaıy komıssııa quryldy. Shyǵyndar eseptelip, órttiń  zardaby saraptalý ústinde», - dedi zaýyttyń baspasóz qyzmeti.  Sonymen birge zaýytta júrip jatqan jańǵyrtý jumystaryna oqıǵanyń eshqandaı áser etpeıtini de aıtyldy.

Eske sala keteıik, búgin tańerteń  Atyraý munaı óńdeý zaýytyndaǵy tsehtardyń birinde órt boldy. Qubyrlar jelisinen shyqqan jalyn 10 sharshy metr aýmaqqa jaıyldy. Tilsiz jaýdan eshkim zardap shekken joq.