Atyraý munaı óńdeý zaýyty lastaýshy zattardy normadan artyq shyǵarǵany dáleldendi
Oblystyq ekologııa departamenti baspasóz qyzmetiniń málimetinshe, «AMÓZ» JShS-niń statsıonarlyq kózderiniń ónerkásiptik shyǵaryndylarynan, sondaı-aq, taldaý júrgizý maqsatynda «Týhlaıa balka» býlaný alańyna tógiletin sarqyndy sýlardan synamalar alynǵan.
«Tekserý nátıjesimen tómendegi derekter anyqtaldy. Birinshiden, «AMÓZ» JShS-niń №3 jáne №4 qazandyǵynan lastaýshy zattardyń shekteýli raýaldy shyǵaryndylarynyń asý derekteri oryn aldy. Atap aıtqanda, №3 qazandyqtaǵy kómirtegi totyǵynyń naqty kórsetkishi 9,265 g/s qurady. Shekti raýaldy shyǵaryndy normasynan 0,291 g/s artyq. Al, №4 qazandyqtaǵy azot totyǵy 0,0732 g/s, azot qostotyǵynyń naqty kórsetkishi 0,4509 g/s artyq shyǵarylǵan.
Ekinshiden, zaýyt aýmaǵynda ornalasqan №1 gaz taratý shkafynan 0,000299 tonna, №2 gaz taratý shkafynan 0,000303 tonna gaz shyǵarylǵany anyqtaldy. Úshinshiden, 2022 jyldyń 27 naýryzynda kompressordy retteýdiń kompressorǵa qarsy júıesin buǵattaýdyń iske qosylýyna baılanysty katalıtıkalyq krekıng qondyrǵysynyń kompressory toqtatylǵany belgili boldy. Osyǵan oraı apatty jaǵdaılardyń aldyn alý maqsatynda katalıtıkalyq krekıng qondyrǵysynda alaýda gazdy jaǵý júzege asyrylǵan.
Jaǵylǵan gazdyń kólemi 4 347 nm3 quraǵan.
Tórtńnshńden, bıylǵy jyldyń 1 qańtary men 30 sáýiri aralyǵynda zaýytta qorshaǵan ortaǵa emıssııalardy shyǵarýmen baılanysty súıemeldenetin tehnologııalyq qondyrǵylardyń (bloktardyń, sektsııalardyń jáne t.b.) toqtatylǵany anyqtaldy.
«AMÓZ» JShS-niń 2022 jylǵa arnalǵan josparly-aldyn ala jóndeýdiń kestesimen bekitilmegen joǵarydaǵy toqtaýlar kezindegi qorshaǵan ortaǵa shyǵarylǵan emıssııalar shekti raýaldy shyǵaryndylar jobasynda normalanbaǵan. Soǵan sáıkes ekologııalyq ruqsatsyz júzege asyrylǵan. Qazir «AMÓZ» JShS-ne qatysty joǵaryda kórsetilgen zańbuzýshylyq derekteri boıynsha QR Ákimshilik quqyqbuzýshylyq týraly kodeksiniń 328-baby boıynsha ákimshilik ister qozǵalyp, 62 194 219 teńgege ákimshilik aıyppuldar salý týraly qaýlylar qabyldandy. Qaýlylar zańdy kúshine engen joq», -dep habarlady departamenttiń baspasóz qyzmeti.
Sondaı-aq, ekologııa departamentine «Qazgıdromet» RMK Atyraý oblystyq fılıalynan synaq hattamasy túsken.
«Synaq hattamasyna sáıkes, «AMÓZ» JShS-niń sanıtarlyq-qorǵanysh aımaǵynyń shyǵys bóliginen atmosferalyq aýanyń synamalary alynǵan. Taldaý nátıjesinde kómirsýtek boıynsha ruqsat etilgen shekti shoǵyrlanýdan asqany (naqty kórsetkish 3,3 mg/m3 quraǵan, REShSh normasy 1,0 mg/m3) anyqtaldy. Bul – QR Ulttyq ekonomıka mınıstriniń 2015 jylǵy 28 aqpandaǵy №168 buıryǵymen bekitilgen «Qalalyq jáne aýyldyq eldi mekenderdegi atmosferalyq aýanyń gıgıenalyq normatıvteri» sanıtarlyq-gıgıenalyq talaptaryn buzý. Atmosferalyq aýa synamalaryn alý kezinde jeldiń baǵyty ońtústik-batystan, ıaǵnı «AMÓZ» JShS ornalasqan baǵyttan soqqany anyqtaldy», -dep málim etti departamenttiń baspasóz qyzmetinen.
Sanıtarlyq-gıgıenalyq talaptardyń buzylýyna baılanysty «AMÓZ» JShS-ne qatysty zań sheńberinde kózdelgen sharalardy qabyldaý úshin Atyraý oblysy boıynsha sanıtarlyq-epıdemıologııalyq baqylaý departamentine tıisti qujattar joldandy.
Eske sala ketelik, budan buryn Atyraý munaı óńdeý zaýyty lastaýshy zattardy aýaǵa normadan kóp shyǵarǵanyn jazǵan bolatynbyz.