Atyraý munaı óńdeý zaýyty qyzmetkerleriniń 90 paıyzy vaktsına saldyrdy
ATYRAÝ. QazAqparat – Atyraý munaı óńdeý zaýyty qyzmetkerleriniń 90 paıyzy vaktsına saldyrdy, dep habarlaıdy QazAqparat.
Kásiporynnyń baspasóz qyzmeti taratqan aqparatqa qaraǵanda, Atyraý munaı óńdeý zaýytynyń 1 443 qyzmetkeri vaktsınalardyń І komponentin saldyrǵan.
«Bul – zaýyt qyzmetkerleriniń 90%-yn quraıdy. Vaktsınalardyń ІІ komponentin 1 107 qyzmetker ektirdi. Qyzmetkerlerdi jappaı vaktsınalaý ujymdyq ımmýnıtetti qalyptastyrýǵa múmkindik berdi. Sonyń nátıjesinde óndiristik baǵdarlamanyń ýaqtyly oryndalýyn qamtamasyz etip otyrmyz» - deıdi zaýyttyń qyzmetkerlerdi basqarý jáne eńbekaqy tóleý departamentiniń dırektory Serik Arystan.
Eske sala ketelik, buǵan deıin Atyraý oblysynda eki kúnde 1 264 adam vaktsına saldyrǵanyn jazǵan bolatynbyz.
