Atyraý munaı óńdeý zaýyty qysqy dızel otynyn shyǵarýǵa kiristi
ATYRAÝ. QazAqparat - Atyraý munaı óńdeý zaýyty qysqy dızeldik otyn shyǵarýǵa kiristi, dep habarlaıdy QazAqparat tilshisi.
«Atyraý munaı óńdeý zaýyty K5 ekologııalyq klasynyń mınýs 25S maksımaldy súzgishtik temperatýrasy bar dızel otynyn shyǵarýǵa jáne jóneltýge kiristi. Bul Munaıdy tereń óńdeý kesheni Prime D dızel otynyn gıdrotazalaý jáne parafınsizdendirýdiń nátıjesinde quramyndaǵy parafınderi azaıtylǵan zaýyt úshin jańa ónimderdiń biri. Búginde zaýyttan osy ónimniń 4 myń tonnasy jiberildi», - dep málimdedi AMÓZ qoǵammen baılanys qyzmeti.
Baspasóz qyzmeti túsindirgendeı, PTF-25 dızel otynynda tómen temperatýraǵa yqpal etetin qospalar joq, bul tehnologııalyq protsestiń taza ónimi.
Esterińizge sala keteıik, Atyraý MÓZ jańartý aıaqtalǵanǵa deıin PTF-15S jáne qospasy bar -25S ekologııalyq klastaǵy K3 qysqy dızel otynyn shyǵarǵan bolatyn.
