Atyraý munaı óńdeý zaýyty qorshaǵan ortaǵa əserdi azaıtady

ASTANA. QazAqparat - Atyraýda jańa "Óndiristik" stantsııa men aınalmaly temir jol paıdalanýǵa berildi. Atyraý munaı óńdeý zaýytynan júk aǵynyn qala aýmaǵynan tys jerge shyǵarýǵa múmkindik beretin joba ekologııalyq, óndiristik qaýipterdi seıiltedi, dep habarlaıdy QazAqparat óńirlik kommýnıkatsııalar qyzmetine silteme jasap.

«AMÓZ» JShS jobasy kólik ınfraqurylymdaryn damytý baǵdarlamasy aıasynda júzege asyrylǵan jáne Atyraý munaı óńdeý zaýytynyń barynsha nátıjeliligin qamtamasyz etýge baǵyttalǵan.

 

«Kezinde tsısternalardy býlaý, tsısternalarǵa quıý jáne aǵyzý qalada júrgizildi. Qazirgi tańda osy stansanyń arqasynda bul protsedýra qaladan 8 shaqyrym qashyqtyqta júrgiziletin bolady. Bul AMÓZ-diń qorshaǵan ortaǵa yqpalyn aıtarlyqtaı azaıtyp, qalanyń aýasyn jaqsartýǵa múmkindik beredi», - dep atap ótti Atyraý oblysynyń ákimi Nurlan Noǵaev saltanatty sharada.

 

Osy joba arqyly qosymsha 367 jańa jumys orny ashyldy.