Atyraý munaı óńdeý zaýyty qala aýmaǵynan kóshirile me – óńir basshysynyń jaýaby
«Zaýyt qalanyń shetinde ornalasqan. Úsh kezeńmen jańǵyrtýdan ótti. 40-shy jyldary salynǵanymen jańǵyrtý jumystarynan keıin jańa zaýyt dep aıtýǵa tolyq kelmese de tehnologııalary qazirgi talaptarǵa saı. Zaýyt qazirgi ýaqytta Eýro standartpen K-4, K-5 markaly benzın shyǵarady. Degenmen ekologııaǵa teris áserin tıgizedi. Buzýshylyqtar da anyqtalady. 1 qarashada osy zaýyttan býlaný alańdaryna tolyq tazartýdan ótkizbeı aǵyzylǵan tógindilerdi baıqadyq. Soǵan, jalpy ekologııaǵa baılanysty biz jaqynda iri kompanııalardyń basshylarymen jıyn ótkizdik. Oǵan zaýyt basshylyǵyn da shaqyrdyq. Olarǵa ekologııa talaptaryn saqtaý, talapqa saı jumys isteý kerektigin taǵy eskerttik», - dedi Mahambet Dosmuhambetov Ortalyq kommýnıkatsııalar qyzmetindegi baspsóz máslıhaty barysynda BAQ ókilderiniń saýalyna oraı.
Onyń atap ótýinshe, Atyraý munaı óńdeý zaýytynda bolǵan oqıǵaǵa baılanysty tıisti tekserý jumystary Ekologııa departamenti tarapynan júrgizilip jatyr. Qajet bolǵan jaǵdaıda Ekologııa mınıstriniń, «QazMunaıGaz» kompanııasynyń jáne zaýyttyń basshylyǵynyń qatysýymen atalǵan máselege qatysty taǵy jıyn ótkiziledi. Sodan keıin tıisti sharalar qoldanylady.
«Al zaýytty qaladan kóshirýge qatysty aıtar bolsam, ondaı jospar joq. Zaýytty kóshirý máselesi ázirge qarastyrylmaıdy», - dedi Atyraý oblysynyń ákimi.
