Atyraý munaı óńdeý zaýyty avıaotyndy 26,7 myń tonnaǵa artyq óndirgen
Zaýyttyń qoǵammen baılanys bóliminiń málimetinshe, bıylǵy 8 aıda óńdelgen munaı byltyrǵy osy kezeńdegiden 265 tonnaǵa artqan.
«Atyraý munaı óńdeý zaýytynda 2010-2017 jyldary aýqymdy qaıta jańǵyrtý júrgizilgen edi. Qaıta jańǵyrtýdyń nátıjesinde sapaly munaı ónimderin shyǵarý kólemi ulǵaıdy. Máselen, bıylǵy 8 aıda óńdelgen munaı kólemi 3 521 026 tonnany qurady. Bul, 2020 jyldyń sáıkes kezeńimen salystyrǵanda 265 myń tonnaǵa artyq. Osy kezeńde taýarly dızel otynyn shyǵarý 1 027 123 tonnaǵa jetip, byltyrǵydan 10,5 myń tonnaǵa artty.
Al, taýarly avtojanarmaı óndirý 835 099 tonnany qurap, ótken jylǵy kórsetkishten 144 535 tonnaǵa ósti. Sondaı-aq, RT markaly 82 949 tonna taýarly avıaotyn óndirildi. Bul byltyrǵy jyldyń sáıkes kezeńimen salystyrǵanda 26 766 tonnaǵa kóp», - dep habarlady Atyraý munaı óńdeý zaýytynyń qoǵammen baılanys bóliminen.
Eske sala ketelik, budan buryn janarmaı tapshylyǵyna baılanysty Atyraý munaı óńdeý zaýyty dızel óndirýge kiriskenin jazǵan bolatynbyz.
