Atyraý munaı óńdeý zaýyty 60 mln teńgeden astam aıyppul tóledi

ATYRAÝ. QazAqparat – Atyraý munaı óńdeý zaýyty 60 221 655 teńge aıyppul tóledi, dep habarlaıdy QazAqparat.

Budan buryn Atyraý munaı óńdeý zaýytynyń bıologııalyq tazartý qurylǵysynan aqaý shyqqan edi.

Oblystyq Ekologııa departamenti jergilikti qoǵam belsendilerimen birge Atyraý qalasynyń ekologııalyq ahýalyna monıtorıng júrgizý kezinde «AMÓZ» JShS tarapynan aǵyzylǵan sý quramynda munaı ónimderi men bıologııalyq shlamnyń bolǵanyn anyqtaǵan.

«Atalǵan derekke sáıkes «AMÓZ» JShS-ne qatysty jospardan tys tekseris júrgizilip, alynǵan synamadaǵy sý quramynda jobalyq qujattamada belgilengen emıssııanyń

normadan asqany anyqtaldy. Atap aıtqanda, jalpy temir jáne qurǵaq qaldyqtar 1,5 ese, sýlfat 2,5 ese, azot amonıı 5 ese, munaı ónimderi 6 ese jáne ólsheýli zattar 628 ese

kóp bolǵan. Osylaısha, sarqyndy sýlardy tazartýsyz tikeleı aǵyzýǵa jol berip, QR Ákimshilik quqyqbuzýshylyq týraly Kodeksiniń 328-babyn buzdy», -dep habarlady departamenttiń baspasóz qyzmeti.

Ekologııalyq Kodekstiń 118-babyn basshylyqqa alǵan departament mamandary tekseris

materıaldaryn Polıtsııa departamentine joldaǵan bolatyn.

«Polıtsııa departamentimen «AMÓZ» JShS-ne qatysty qozǵalǵan qylmystyq is

qysqartyldy. Ekologııa departament «AMÓZ» JShS-ne qatysty ákimshilik is qozǵady.

Seriktestik 60 221 655 teńge ákimshilik aıyppul mólsherinde ákimshilik jazaǵa tartyldy», - dep málim etti baspasóz qyzmetinen.