Atyraý MÓZ-nyń dızeldi otynynyń jartysy K-5 dárejesine saı bolady
ATYRAÝ. QazAqparat - Atyraý munaı óńdeý zaýyty óndiretin dızeldi otynnyń jartysy Eýro-5 nemese K-5 dárejesine saı bolady, dep habarlaıdy QazAqparat tilshisi.
«Atyraý MÓZ» JShS-niń dızeldi sektsııasynda júrgizilgen kúrdeli jóndeý kezinde gıdrotazalaý reaktorlary men dızeldi otyndy deparafınızatsııalaý katalızatorlary tehnologııalyq protsestiń lıtsenzıary AQSh-tyń «UOP» kompanııasynyń jańa shyqqan katalızatorlaryna almastyryldy. Nátıjesinde dızeldi otyn gıdrotazalaýdan ótip, ondaǵy kúkirt deńgeıi aıtarlyqtaı tómendedi. Bul jaǵdaı óndirilgen dızeldi otynnyń 50 protsentin K5 ekologııalyq dárejesine jetkizýge múmkindik beredi»,-dep habarlady Atyraý MÓZ-nyń qoǵammen baılanys bóliminiń qyzmetkerleri.
Aıta keteıik, Kedendik Odaqtyń Tehnıkalyq reglamentiniń talaptaryna saı, 2018 jyldyń qańtarynan bastap, Qazaqstan aýmaǵynda K4 dárejesine jatatyn dızeldi otyn men benzın jiberiledi.
