Atyraý MÓZ-de dızeldik otynnyń K4, K5 standarttary óndirile bastady
«Atyraý munaı-óńdeý zaýyty 2018 jyldyń 1 qańtarynan bastap K4 jáne K5 ekologııalyq standarttaryna (Eýro-4 jáne Eýro-5 standarttarynyń analogy) saı dızeldik otyndy kombınattalǵan benzın men dızeldik otyndy gıdrotazalaý qondyrǵysyna tıeýdi bastady. Ondaǵy «UOP» (AQSh) kompanııasynyń tehnologııalyq protsesterinde katalızatorlar aýystyryldy. Osynyń nátıjesinde gıdrotazalaý kezindegi dızeldik otyndaǵy kúkirttiń mólsherin K5 standarty úshin 2-3 rrm kórsetkishke, al K4 standarty úshin 50 rrm kórsetkishke tómendetýge qol jetkizildi», - dep habarlaıdy Atyraý MÓZ baspasóz qyzmetinen.
Sonymen birge, jańa standartqa saı ónim óndirý kezinde «Atyraý» MÓZ-de qubyrishilik júıelerdi, munaı ónimderi quıylatyn júıeni, rezervýarlyq baqtardy tazartý boıynsha keshendi jumystar júrgizilgen.
«Tsısterna arqyly ónimdi tasymaldaıtyn uıymdarǵa joǵary talaptar qoıyldy. Sebebi, tsısternalar óte jiti jýylyp, tazartylýy kerek. Dál osyndaı jumystar legi janar-jaǵarmaı quıý stantsııalarynda, munaı bazalarynyń rezervýarlyq baqtarynda júrgizilýi tıis», - delingen «Atyraý» MÓZ habrlamasynda.
