Atyraý meshitinde namaz oqýǵa kedergi keltirgen adamǵa 100 myń teńge aıyppul salyndy
ASTANA. QazAqparat - 2016 jyly maýsym aıynda «Imanǵalı» Atyraý ortalyq meshitinde bir adam namaz ýaqytynda aıqaılap, ımam men meshitke kelgen ózge azamattardyń namaz oqýyna kedergi keltirgen, dep habarlady Atyraý oblystyq sottyń baspasóz qyzmeti.
Meshittegi ishki tártip pen erejelerge sáıkes, meshitke kelýshiler namaz oqyǵanda barlyq normalardy oryndaýǵa mindetti. Meshitte daýlasýǵa, namaz kezinde kedergi keltirýge tyıym salynǵan.
Atyraý qalalyq mamandandyrylǵan ákimshilik soty aıqaılaǵan azamatty QR ÁQBK 490-babynyń 2-tarmaǵyna sáıkes aıypty dep taýyp, oǵan 50 AEK (106 050 teńge) kóleminde aıyppul salyndy.
