Atyraý men Petropavlda aýa sapasy nasharlaıdy
NUR-SULTAN. QazAqparat – «Qazgıdromet» RMK elimiz qalalaryndaǵy meteorologııalyq ahýal týraly aıtty, dep habarlaıdy QazAqparat.
Atap aıtqanda, sınoptıkterdiń málimetinshe, 9 mamyr kúni aýa sapasy eki qalada - Atyraý jáne Petropavlda nasharlaıdy. Qazaqstannyń ózge shaharlarynda meteojaǵdaı qalypty bolady.
Qolaısyz meteorologııalyq jaǵdaılar - atmosferalyq aýanyń betki qabatynda zııandy (lastaýshy) zattardyń shoǵyrlanýyna yqpal etetin qysqamerzimdi meteofaktorlardyń (tymyq aýa raıy, jeńil jel, tuman, ınversııa) jıyntyǵy.
QMJ jaǵdaıynda eldi mekenderdegi atmosferalyq aýanyń sapasy nasharlaýy yqtımal.
