Atyraý men Qostanaıdyń kópqabatty úılerinde bolǵan órt áıel men sábıdi ajal qushtyrdy
ASTANA. 7 jeltoqsan. QazAqparat - 6 jeltoqsan kúni Qostanaı jáne Atyraý oblystarynyń 5 qabatty úılerinde bolǵan órtterdiń saldarynan eki adam mert boldy.
Keshe saǵat 13.19-da Rýdnyı qalasynda 5 qabatty úıdiń ekinshi qabatynda ornalasqan páter órtendi. Órt 20 mınýttan keıin sóndirildi. Tilsiz jaýdy aýyzdyqtaýǵa Qostanaı oblysy boıynsha TJD órtke qyzmetiniń 7 adamy men 2 tehnıkasy jumyldyryldy. Jalyn saldarynan 24 jastaǵy jigit pen 3 jasar sábı aýrýhanaǵa jetkizildi. Sábı aýrýhanada kóz jumdy.
Atyraý qalasyndaǵy 5 qabatty turǵyn úıdiń páterleriniń birinde laýlaǵan ot órt sóndirýshiler kelgenge deıin aýyzdyqtaldy. Oqıǵa ornynda 67 jastaǵy áıeldiń máıiti tabyldy.
