Atyraý men Chehııanyń saýda aınalymy 12,8 mln dollardy qurady
Bul týraly Atyraý oblysynyń ákimi Mahambet Dosmuhambetov Cheh Respýblıkasynyń Qazaqstandaǵy Tótenshe jáne ókiletti elshisi Rýdolf Gıkldiń kezdesýi kezinde belgili boldy.
«Atyraý oblysy ekonomıkaǵa shetel ınvestıtsııasyn tartýǵa, birlesken kásiporyndar qurýǵa daıyn. Sheteldik ınvestorlarǵa barlyq qolaıly jaǵdaı jasalyp otyr. Munaıly óńirdiń Cheh Respýblıkasymen ekonomıkalyq baılanysy qarqyndy damyp kele jatyr.
Máselen, bıylǵy 10 aıda oblystyń atalǵan elmen saýda aınalymy 12,8 mln AQSh dollaryn qurady», -dedi Mahambet Dosmuhambetov.
Ákiminiń aıtýynsha, ónerkásibi qarqyndy damyǵan Chehııamen ekijaqty qarym-qatynasty damytýdyń múmkindigi zor. Osy oraıda cheh ınvestorlary Atyraý oblysyndaǵy «Ulttyq ındýstrıaldyq munaıhımııa tehnoparki» erkin ekonomıkalyq aımaǵynda birlesken
jobalardy iske asyrýyna bolady.
Cheh Respýblıkasynyń Qazaqstandaǵy Tótenshe jáne ókiletti elshi Rýdolf Gıkldiń sózine qaraǵanda, chehııalyq bıznes ókilderi oblystyń birqatar salasyna ınfestıtsııa salýǵa qyzyǵýshylyq tanytyp otyr.
Eske sala ketelik, buǵan deıin Atyraýda túrkııalyq ınvestor kúkirt betonıtin óndirýi múmkin ekenin jazǵan bolatynbyz.
