Atyraý men Astrahan, Volgograd porttary arasyndaǵy ekijaqty tasymaldar jańartylady
NUR-SULTAN. QazAqparat – Qazaqstan aldaǵy ýaqytta ózen arqyly taýar tasymalyn Ertis ózeniniń sheginde ǵana emes, Ob ózenine deıin júzege asyratyn bolady, dep habarlaıdy QazAqparat tilshisi.
«Jalpy aldaǵy kelisimniń kómegimen ekijaqty tasymaldardy habarlama tártibine aýystyrý kózdeledi. Jyl saıyn 1 sáýirge deıin ýákiletti organdar ekijaqty tasymaldardy júzege asyratyn kemelerdiń aldyn ala tizimderin kelisetin bolady. Qajet bolǵan jaǵdaıda jyl ishinde bul tizimge ózgeris engizý múmkindigi qaralǵan», - dedi Berik Qamalıev Parlament Májilisinde keme qatynasy týraly kelisimdi ratıfıkatsııalaý jónindegi zań jobasyn tanystyrý barysynda.
Onyń aıtýynsha, bul rette kelisim qabyldanǵannan keıin qazaqstandyq tasymaldaýshylar ózen tasymaldaryn Ertis basseıni sheginde ǵana emes, Ob ózenine deıin júzege asyrady.
«Sondaı-aq Atyraý, Astrahan, Volgograd porttary arasyndaǵy ekijaqty tasymaldardy jańartý máselesi pysyqtalýda. Osylaısha 2025 jylǵa qaraı ózen tasymaldarynyń kólemin 1,5 mln tonnaǵa deıin jetkizý boljanyp otyr», - dedi ol.
