Atyraý men Aqtóbede aýa raıyna baılanysty eskertý jarııalandy
NUR-SULTAN. QazAqparat – Atyraý men Aqtóbe oblysynda aýa raıyna baılanysty eskertý jarııalandy, dep habarlaıdy QazAqparat Qazgıdrometke silteme jasap.
21 sáýirde Atyraý oblysynyń keı jerlerinde naızaǵaı jarqyldaıdy. Kúndiz keı jerlerde shańdy daýyl soǵyp, ońtústik-shyǵystan soltústik-batysqa aýysqan jeldiń kúshi 15-20 m/s jetedi.
Sol kúni kúndiz Atyraý qalasynda ońtústik-shyǵystan soltústik-batysqa aýysqan jeldiń ekpini 18 m/s jetýi múmkin.
21 sáýirde kúndiz Aqtóbe oblysynyń keı jerlerinde naızaǵaı jarqyldaıdy, shyǵystan, ońtústik-shyǵystan soqqan jeldiń ekpini 15-20 m/s jetýi yqtımal.
Sol kúni kúndiz Aqqtóbe qalasynda naızaǵaı jarqyldaıdy, shyǵystan, ońtústik-shyǵystan soqqan jeldiń ekpini 16 m/s kútiledi.
