Atyraý mektepterinde jumys dápterin paıdalaný mindettelmeıdi
ATYRAÝ. QazAqparat - Atyraý qalalyq bilim bólimi mektepterde jumys dápterin paıdalaný máselesi boıynsha jaýap berdi, dep habarlaıdy QazAqparat tilshisi óńirlik kommýnıkatsııalar qyzmetine silteme jasap.
Jańa oqý jyly bastalǵaly áleýmettik jelilerde mektep basshylyǵynyń ata-analardan bastaýysh synyp oqýshylaryna oqýlyqqa qosymsha jumys dápterlerin satyp alýyn mindetteý týraly birqatar shaǵymdar aıtyldy. Bul saýaldarǵa qalalyq bilim bólimi basshysynyń mindetin atqarýshy Almabek Abdolov jaýap berdi.
«Mektep basshylarynyń ata-analardan qosymsha dápterlerdi talap etýi zańsyz bolyp tabylady. Zań buzýshylyq anyqtalǵan jaǵdaıda tıisti shara qoldanylady. Ózderińizge belgili ár oqýlyqtyń salmaǵy aýyr, oǵan qosymsha beriletin dápter de aýyr. Ekeýin qosyp ustaıtyn bolsa, balaǵa salmaq túsiredi. Dápterdiń ornyna qarapaıym jumys dápterin paıdalanýǵa bolady»,- deıdi Almabek Abdolov.
Aıta keteıik, qazirgi tańda bilim jáne ǵylym mınıtrligi densaýlyq saqtaý mınıstrligimen birlesip, barlyq oqýlyqtar, jumys dápterleri jáne ózge de oqý quraldaryn sanıtarlyq normaǵa saı keltirý jóninde naqty standarttar ázirlep jatyr.
