Atyraý mektepterinde zeınettegi 253 muǵalim jumys istegen
Oblystyq bilim basqarmasy basshysynyń mindetin atqarýshy Aınagúl Dúısekenovanyń málimetinshe, zeınettegi muǵalimder kelisimshartpen jumys istegen.
«Mańǵystaý, Almaty jáne Túrkistan oblystary sekildi Atyraý óńirinde de muǵalimder tapshylyǵy bar. Ásirese, Atyraý jáne Qulsary qalalarynda ustazdardyń jetispeýshiligi ózekti máselege aınalyp otyr.
«Bul máseleni sheshý maqsatynda kelesi oqý jylyna 651 mamanǵa suranys berildi. Onyń ishinde orys synyptaryna fızıka, matematıka, hımııa, bastaýysh synyptardyń, al, qazaq synyptaryna orys tili men ádebıeti pániniń, bastaýysh synyptardyń muǵalimderi qajet. Muǵalimder jetispeýshiligin ýaqytsha sheshý úshin zeınet jasyndaǵy pedagogter oqý protsesinen alystamaýǵa májbúr», - deıdi Aınagúl Dúısekenova.
Onyń aıtýynsha, Atyraý men Qulsary qalasyna basqa óńirlerden jumys isteýge keletin muǵalimderge arnaıy qarjylaı kómek kórsetiledi. Atyraý oblysynyń basqa aýdandarynda turatyn pedagogter de atalǵan eki qalanyń birinde jumys isteýge nıet bildirse, konkýrstyq talaptarǵa saı jumysqa ornalasa alady. Olarǵa da qarjylaı qoldaý kórsetilmek.
Eske sala ketelik, budan buryn Atyraý oblysynda Altyn belgi úmitkerleriniń sany 40% artqanyn jazǵan edik.
