Atyraý mektepterinde kóshe shamdary aýystyrylady
ATYRAÝ. QazAqparat - Atyraýdaǵy 41 mektepte kóshe shamdary aýystyrylady, dep habarlaıdy QazAqparat tilshisi.
«Qalanyń kóptegen mektepterinde kóshe jaryqtary jaramsyz bolyp qalǵan. Olar ornatylǵaly beri ondaǵan jyldar ótti. Saldarynan balalar da, ata-analar da mektep aýmaǵynda kóshe shamdarynyń bolmaǵanyna shaǵymdandy. Al jaryq bolmaǵan jaǵdaıda mektepten keshki ýaqytta qaıtatyn balalardyń qaýipsizdigine qater tónetini belgili. Sondyqtan bıyl 41 mekteptiń jaryǵyn aýystyrý týraly sheshim qabyldandy», - dedi qalalyq bilim basqarmasy basshysynyń orynbasary Erlan Qabıdenov Óńirlik kommýnıkatsııalar qyzmetiniń brıfınginde.
E. Qabıdenovtiń aıtýynsha, kóshe jaryqtaryn aýystyrýǵa arnaıy tender ótkizilip, jumystar bastalyp ketken.
