Atyraý mektepterinde ár synypta 15 balaǵa sabaq ótkizýge ruqsat berildi
Bul týraly oblystyq bas sanıtar dárigeri Mádenıet Tanaýovtyń búgingi jańa qaýlysynda aıtylǵan.
«Dástúrli formattaǵy kontıngenti 300 oqýshyǵa deıingi qalalyq jáne aýyldyq mektepterde synyptardaǵy balalar sany 15 adamǵa deıin, jalpy bilim beretin mektepterde kezekshi synyptarda 1-den 5-synypqa deıin qosa alǵanda, halyqaralyq mektepterde 7-synypqa deıin qosa alǵanda ata-analardyń ótinishi boıynsha 15 baladan aspaıtyn synyptardyń jınaqtalýyn saqtaı otyryp, oqytýǵa ruqsat etilsin» delingen qujatta.
Sondaı-aq, bilim berý mekemesi ákimshiliginiń sheshimimen sabaqtan tys ýaqytta 5 adamnan aspaıtyn toptarda oqýshylardy jeke oqytýǵa, bitirýshi synyptar úshin (9, 11 (12) synyptar) aptanyń 6 kúni ishinde aralas oqytýǵa, sonyń ishinde pánderdiń 70%-yn shtattyq rejımde, 30%-yn qashyqtan oqytýǵa ruqsat berilip otyr.
Al, tehnıkalyq jáne kásibı bilim berý uıymdarynyń (kolledjder) І kýrs stýdentteri men joǵary oqý oryndarynyń І kýrs stýdentterin shtattyq rejımde oqytýǵa ruqsat etýge sheshim qabyldandy.
Atalǵan qaýly 1 aqpanda saǵat 00:00-de kúshine enedi.
Eske sala ketelik, budan buryn Atyraýda kópshilik is-sharany ótkizýge tyıym salynǵanyn habarlaǵan edik.