Atyraý mańyndaǵy kanaldan balyq óleksesi tabylyp, tekserý júrip jatyr
Atyraý oblysy ákiminiń orynbasary Jasulan Bısembıevtiń aıtýynsha, kanaldan tabylǵan óli balyq boıynsha tekserý júrip jatyr.
«Áleýmettik jelilerde taraǵan óli balyqtyń vıdeosy boıynsha mán-jaıdy anyqtaý maqsatynda Atyraý oblysy boıynsha ekologııa departamentiniń zerthanalyq baqylaý bóliminiń mamandary «Atyraý munaı óńdeý zaýyty» JShS-niń artqy jaǵynda ornalasqan, «Atyraý jylý-elektr ortalyǵy» AQ-ǵa tıesili kanaldan sý synamasyn aldy. Aldyn-ala boljamǵa sáıkes, kúnniń ystyǵyna baılanysty kanal sýynda otteginiń tapshylyǵy bolýy múmkin», -dep habarlady Jasulan Bısembıev.
Al, mamandardyń pikirinshe, Jaıyq ózeninen sý alynatyn qubyrdyń bastaýyna birneshe tor qoıylǵan. Bul tordan balyqtyń ótýi múmkin emes. Biraq, sýmen birge ótken ýyldyryqtardan damyǵan balyq bolýy múmkin ekeni aıtylyp otyr. Ázirge qansha balyqtyń qyrylǵany belgisiz.
«Qazir kanaldan tabylǵan óli balyqqa baılanysty jaǵdaı baqylaýǵa alyndy. Qosymsha málimetter keıin jarııalanatyn bolady», -dep málim etti Jasulan Bısembıev.
Bıylǵy 7 shildede Qyzylqoǵa aýdanyndaǵy Eraly sý qoımasynyń mańyndaǵy Meńdibaı ýchaskesinde aqbalyq qyrylǵan edi.
«Oqıǵa ornyna Oıyl aýyldyq okrýginiń ákimi men 6 erikti baryp, jaǵdaıdy anyqtady. Olar jergilikti ýaqytpen saǵat 12:00-19:00 aralyǵynda sý qoımasyn ólgen balyqtan tazalaý jumystaryn júrgizdi. Eraly sý koımasynyń Meńdibaı ýchaskesinen 17 keli shamasynda ólgen balyq súzilip alynyp, arnaıy orynǵa kómildi», -dep habarlaǵan edi Qyzylqoǵa aýdandyq ákimdiginen.
Eske sala ketelik, buǵan deıin Atyraý oblysyndaǵy Eraly sý qoımasynan balyqtyń 17 keli óleksesi shyǵarylǵanyn jazǵan edik.
