Atyraý mańyndaǵy birneshe kent sýsyz qaldy
ATYRAÝ. QazAqparat - Atyraý mańyndaǵy birneshe kent sýsyz qaldy, dep habarlaıdy «QazAqparat» HAA tilshisi.
Qala janyndaǵy Kýrılkıno, Vodnıkov, Vodnıkov-2, Kók arna, Alǵabas kentterine keshkilik sý berý toqtatylǵandyǵy sol sátte-aq áleýmettik jeli arqyly belgili boldy.
«Qala mańyndaǵy eldi mekenderge tartylǵan sý qubyrynda apat boldy. Apat orny belgili. Jóndeý brıgadasy tesilgen sý qubyryn jóndeý jumystarymen aınalysyp jatyr», - dep habarlady oblys ortalyǵyn sýmen qamtamasyz etýge jaýapty «Atyraý sý arnasy» KMK baspasóz qyzmeti.
Baspasóz qyzmeti apatty joıý qansha ýaqyt alatyndyǵyn aıta almady.
Sınoptıkterdiń boljamy boıynsha, Atyraýda túnde aýa temperatýrasy 10 gradýsqa deıin tómendeıdi.
