Atyraý mańynda jol apatynan úsh adam qaza tapty
ATYRAÝ. QazAqparat – Atyraý mańynda jol-kólik oqıǵasynan úsh adam qaza tapty, dep habarlaıdy QazAqparat tilshisi.
Óńirdiń Polıtsııa departamentiniń baspasóz qyzmeti málim etkendeı, qazirgi tańda adam ólimine ákep soqtyrǵan jol-kólik oqıǵasy boıynsha QR QK 345-baby 4-bóligi «Kólik quraldaryn basqaratyn adamdardyń jol júrisi nemese kólik quraldaryn paıdalaný qaǵıdalaryn buzý» boıynsha sotqa deıingi tergeý júrgizilip jatyr.
Jol apaty jeksenbi kúni keshkisin Atyraý mańynda Astrahanmen baılanystyratyn tasjolda bolǵan. Lada VAZ-2114 jáne DAW júk kóligi soqtyǵysqan. Oqıǵa ornynda 1978, 1981 jáne 1998 jylǵy er adam men eki áıel qaza tapty. «VAZ-2114» júrgizýshisi aýyr jaraqatpen aýrýhanaǵa jetkizildi.
Avtor: A. Sokolov
