Atyraý mańynda baıqalǵan quıynǵa uqsaıtyn tútin jelide qyzý talqylanyp jatyr
ATYRAÝ. QazAqparat - Atyraý qalasy mańyndaǵy Kaspıı jaǵalaýynda eki jerden qamys órtendi, dep habarlaıdy QazAqparat.
Búgin táýliktiń ekinshi jartysynda Atyraý turǵyndary ádette kezdese bermeıtin erekshe oqıǵanyń kýási boldy. Qala mańynda quıynǵa jáne sańyraýqulaqtyń beınesine uqsas býdaqtaǵan tútin aspanǵa kóterildi.
Osy kórinistiń beınetúsirilimi sol sátte áleýmettik jelidegi qyzý talqyǵa túsken oqıǵalardyń biri boldy. Artynan tap osyndaı tútin qalanyń eknshi betinen kórindi.
Atyraý oblystyq Tótenshe jaǵdaılar departamentiniń habarlaýynsha, Kaspıı teńiziniń jaǵalaýynda eki jerden qamys órtengen. Órtengen aýmaqtyń aýqymy ázirge belgisiz.
Osyǵan deıin Atyraýda Qıǵash pen Jaıyq ózenderiniń túbi tereńdetilip jatqandyǵyn habarlaǵanbyz.
