«Atyraý-Mańǵyshlaq» jolaýshylar poıyzynyń teplovozy otqa orandy
ASTANA. 11 mamyr. QazAqparat - Atyraý qalasynyń stansasynda turǵan «Atyraý-Mańǵyshlaq» baǵytyndaǵy jolaýshylar poıyzynda órt shyqty.
QR Tótenshe jaǵdaılar mınıstrligi habarlaǵandaı, órt keshe, mamyrdyń 10-y kúni bolǵan. «Atyraý stansasynyń birinshi jolynda turǵan №313 «Atyraý-Mańǵyshlaq» baǵytyndaǵy poıyzdyń teplovozynda joǵary voltty elektr jelileri órtendi. Jarty saǵattyń ishinde jalyn aýyzdyqtaldy. Bul tótenshe jaǵdaı poıyzdardyń júrýine kedergi bolǵan joq», - delingen baspasóz habarlamasynda.
