Atyraý mamandandyrylǵan HQO sheteldik kólikterdi tirkeýge baılanysty kúsheıtilgen jumys rejimine ótti
ATYRAÝ OBLYSY. QazAqparat – Atyraý mamandandyrylǵan HQO kúsheıtilgen jumys kestesine kóshti, dep habarlaıdy QazAqparat tilshisi.
«Búginnen bastap Atyraý mamandandyrylǵan HQO kúsheıtilgen jumys kestesine kóshti. Eger jaı kúnderi HQO-da 30 adam jumys istese, endi 40 adam jumys isteıtin bolady. Bul sheteldik nómiri bar kólikterdi tirkeýmen baılanysty bolyp otyr. Endi mamandandyrylǵan HQO aptasyna 6 kún emes, demalyssyz saǵat 9-dan 20-ǵa deıin jumys isteıdi. Mundaı jumys kestesi 29 aqpanǵa deıin bolady», - dep habarlady «Azamattarǵa arnalǵan úkimet» KEAQ memlekettik korporatsııasynyń Atyraý oblystyq bóliminiń baspasóz hatshysy Nurlybek Baqtyǵalı.
Avtor: A. Sokolov
