Atyraý: Qyzylqoǵa aýdanynda sý basýy múmkin aýyldarǵa áýeden barlaý júrgizildi
Oblystyq tótenshe jaǵdaılar departamentiniń qoǵammen baılanys tobynan málim etkendeı, 13 naýryzda Atyraý oblysy ákiminiń orynbasary Qaırat Nurtaev, tótenshe jaǵdaılar departamenti bastyǵynyń mindetin atqarýshy, azamattyq qorǵaý polkovnıgi Nurlan Jańabaev, Qyzylqoǵa aýdanynyń ákimi Qanat Ázmuhanov bar top Qyzylqoǵa aýdanyndaǵy tasqyn sý qaýpi tónýi mmúkin aýyldarǵa áýeden aerovızýaldy sholý jasaǵan.
«Áýeden sholý júrgizýge «Qazavıaqutqarý» AQ-nyń «Evrokopter 145 UP-EC033» tikushaǵy tartyldy. Sholý kezinde Qyzylqoǵa aýdanyndaǵy Mııaly, Saǵyz aýyldarymen birge Aqtóbe oblysyndaǵy sý basý qaýpi bar aýmaqtar da qamtyldy. Atalǵan mańyndaǵy kóktemgi tasqyn sý keletin ózenderdiń qazirgi jaı-kúıi zertteldi» -dep habarlady departamenttiń qoǵammen baılanys toby.
Qazir Qyzylqoǵa aýdanyndaǵy Mııaly jáne Jangeldın aýyldarynyń kóshelerinen 36 myń tekshe metr erigen qar sýy sorylǵan. Al, Saǵyz aýylynyń ortasymen ótetin Noǵaıty ózeniniń jaǵalaýy men eldi mekenderdi tasqyn sý qaýpinen qorǵaý úshin qum salynǵan 7 myń qap, 800 tonna topyraq tóselgen.
Eske sala ketelik, budan burynQyzylqoǵa aýdanynda áli de eki aýyldyń kóshelerin sý basyp jatqanyn jazǵan bolatynbyz.
Keıin Atyraý oblysynda jol jyrylyp, kólik qatynasy toqtaǵanyn habarlaǵan edik.
JolAtyraý oblysynda jol ýchaskesi jyrylǵannan keıin tasqyn sý deńgeıi tómendedi.