«Atyraý-Kýtaısı» baǵytyndaǵy áýe reısiniń keshiktirilý merzimi 2,5 saǵatqa qysqardy
ATYRAÝ. QazAqparat - «Atyraý-Kýtaısı» baǵytyndaǵy áýe reısin keshiktirý merzimi 2,5 saǵatqa qysqardy, dep habarlaıdy QazAqparat.
«Týrıstik kompanııa ókiliniń habarlaýynsha, «Sunkar Air» áýe kompanııasynyń «Atyraý-Kýtaısı» baǵytyndaǵy charterlik reısiniń ushý ýaqyty ózgerdi. Búgin biz jergilikti ýaqyt boıynsha saǵat 14:00-de Grýzııanyń Kýtaısı qalasyna ushýymyz kerek bolatyn.
Alaıda, tań ata ushý saparyn rásimdegen týrıstik kompanııa ókili ushyrylym túngi 2-ge deıin keshiktiriletinin aıtty. Endi týrısterge ushyrylym jergilikti ýaqyt boıynsha saǵat 23:30-ǵa josparlanǵandyǵyn jetkizdi. Osylaısha, keshiktiriletin ýaqyt 9 saǵatty qurap otyr. Týrıstik kompanııanyń habarlaýynsha, bizdi alyp ketýge túngi saǵat 02:00-de jetkizbek bolǵan bort emes basqasy keledi»,-dedi QazAqparat tilshisine atyraýlyq týrısterdiń biri Talǵat Áýbákirov.
