Atyraý kóshelerimen aýyr júkti alyp ótti
ATYRAÝ. QazAqparat –Atyraý qalasynyń kóshelerimen aýyr júkti alyp ótti, dep habarlaıdy QazAqparat.
Búgin «Sarens Kazakhstan» JShS iri gabarıtti 5 tehnologııalyq jabdyqty tasymaldaýdy bastady. Bul júkter Ońtústik Koreıadan «Atyraý ózen» portyna jetkizilgen edi. Endi ony Qarabatan aýylynyń mańyndaǵy gaz-hımııalyq zaýytynyń qurylys alańyna deıin tasymaldaıdy.
«Alyp júk Qojaqaev kóshesi men Azattyq dańǵyly, S.Datuly, Elevator, Z.Qabdolov kósheleri arqyly Birlik yqshamaýdanyna ótip, «Atyraý-Dossor» tas jolyna baǵyt alady.
Osyǵan oraı, atalǵan kóshelerdegi keıbir baǵdarsham, ózge de baǵanalar júk kóligine kedergi keltirmes úshin alynady. Sondaı-aq, tasymal ýaqytynda kórsetilgen kóshe joldary ýakytsha jabylyp, ystyq sý, jylý jelisi men elektr energııasy ajyratylady», dep habarlady óńirlik kommýnıkatsııalar qyzmeti.
Mundaı iri gabarıtti júkti tasymaldaý 21, 28 maýsymda, sondaı-aq, 5, 12, 19 shildede jalǵasatyn bolady.
Eske sala ketelik, Atyraýda 5 jyl úzilisten keıin ózen porty jumysyn qaıta bastady.
