Atyraý kósheleri endi jańasha jarqyraıdy
ATYRAÝ. QazAqparat - Atyraýda jergilikti bılik qala kóshelerin jaryqtandyrýdyń jańa jobasyn júzege asyrýǵa kiristi, dep habarlaıdy «QazAqparat» HAA tilshisi.
«Jasalǵan kelisimshartqa sáıkes, memlekettik-jekemenshik áriptestik aıasyndaǵy jobaǵa 2 mlrd 336 mln teńge mólsherinde ınvestıtsııa tartyldy. Osy qarjyǵa qalanyń 39 kóshesine 2816 energııa únemdeýish sham ornatylady», - dep málimdedi qala ákimdiginiń baspasóz qyzmeti.
Buryn Atyraý kóshelerine jańa tehnologııalar men zamanaýı LED-jaryq shamdaryn ornatý josparlanyp jatqanyn habarlaǵan bolatynbyz.
Jalpy, qala men qala mańyndaǵy aýyldardaǵy kóshelerdiń 106 shaqyrymyna jańa júıemen jaryq beriledi.
