Atyraý kolonııalaryna uıaly telefondardy jetkizý faktisi boıynsha 600-den astam oqıǵa tirkelgen
ATYRAÝ. 5 jeltoqsan. QazAqparat /Andreı Sokolov/ - Atyraý oblysynda qylmystyq-atqarý júıesiniń 4 mekemesi bar, 11 aı ishinde sottalǵandarǵa ruqsat etilmegen zattardy berý áreketi boıynsha 1215 oqıǵa tirkelgen.
QAJ oblystyq departamenti basshysynyń orynbasary Balabek Júnisovtiń aıtýy boıynsha, aqsha jiberý faktisi boıynsha 47 oqıǵanyń aldyn alǵan. Aıta keteıik, qarajat mólsheri jalpy somada 563 myń teńgeni qurap otyr. 2,5 myń lıtr mólsherinde spırttik ishimdikterdi jiberý faktisi boıynsha 56 oqıǵa, 2 kg-nan kóp esirtki zattaryn berip jiberý 16 ret, 484 dana pyshaq pen qaıraq berip jiberý faktisi boıynsha 232 oqıǵa tirkelgen. Al uıaly telefondardy berip jiberý faktisi boıynsha 628 oqıǵa anyqtalyp otyr.
«Sottalǵandarǵa ruqsat etilmegen zattar men aqshany týystary kezdesý barysynda nemese taǵy da basqa joldar arqyly bermek bolǵan», - dedi B.Júnisov.
