Atyraý kolledjindegi stýdentteriniń jappaı ýlanýynyń mán-jaıy anyqtalýda
ATYRAÝ. QazAqparat - Atyraýda kolledj stýdentteriniń belgisiz gazdan jappaı ýlanýyna qatysty jaǵdaıdyń sebep-saldary anyqtalýda, dep habarlaıdy QazAqparat.
«Aldyn ala málimetter boıynsha, kolledjdiń 1-shi jáne 2-shi qabattarynyń arasynda belgisiz zattyń múńkigen ısi bilingen. Sonyń saldarynan 20 adam aýrýhanaǵa tústi. Balalardyń mundaı jaǵdaıǵa qalaısha tap bolǵandyǵy naqtylanýda. Beınekameradaǵy kórinister saraptalýda. Qazir balalardyń densaýlyǵyna qaýip tónip turǵan joq. Tergeý jumystarymen quqyq qorǵaý organynyń ókilderi aınalysyp jatyr. Yqtımal sebepterdiń biri - balalar qorǵanys úshin qoldanylatyn gaz ballonyn shashýy múmkin. Beınekameraǵa túsirilgen kórinister bóten adamnyń bilim berý mekemesine kirmegendigin aıǵaqtap otyr»-dedi Atyraýlyq kolledjdiń óndiristik oqytý jónindegi dırektory Gúlsim Jalmuhanova.
Polıtsııa departamentiniń habarlaýynsha, atalmysh fakt sotqa deıingi tergeýdiń biryńǵaı tizilimine 293 baptyń 1-shi bóligi boıynsha kirgizilgen.
