Atyraý kólik parkiniń basshylyǵy jolaýshylarǵa jolaqysyn tólemeýge ruqsat berdi
ATYRAÝ. QazAqparat - Atyraý qalasynda kólik parkiniń basshylyǵy turǵyndarǵa jolaqysyn tólemeýge ruqsat berdi, dep habarlaıdy QazAqparat tilshisi.
«Ár kúni tańerteń biz qyzmet kórsetip otyrǵan №№ 2, 4, 7, 8, 12, 14, 30, 30a baǵdar jelileriniń kassırleri kassalyq taspasy bar termınaldarmen qamtamasyz etiledi. Sondyqtan keıbir kassırlerdiń «búgin chekter berilgen joq» degen sózderi shyndyqqa janaspaıdy. Biz, JShS ákimshiligi jolaýshylarǵa bılet berýge tyrysamyz, sebebi onsyz shyǵynǵa ushyraımyz. Sondyqtan turǵyndardyń chek talap etýin suraımyz. Eger sizge chek berilmese, jol aqysyn tólemeýińizge bolady!», - dedi «Atyraý kólik parki» JShS-nyń dırektory Aıdarbaı Dostanuly.
Ol aldaǵy ýaqytta qaladaǵy qoǵamdyq kólik jumysynda qyzmet kórsetý sapasyn baqylaıtyn arnaıy baqylaý-revızııa qyzmeti qadaǵalaıtyny jóninde málimdedi. Al ázirge, áleýmettik jeli paıdalanýshylarynyń habarlaýynsha, avtobýstarda tegin júrgen qala turǵyndary az bolǵan joq.
Avtor: A.Sokolov
