Atyraý: Kaspıımańy elderiniń medıakeńistigin biriktirý usynyldy
ATYRAÝ. QazAqparat - Atyraýda ótken Halyqaralyq ǵylymı konferentsııada Kaspıımańy elderiniń quqyq jáne medıa salalarynyń sarapshylary bas qosty, dep habarlaıdy «QazAqparat» HAA tilshisi.
Qazaqstannan, Iran, Ázerbaıjan jáne Reseıden jınalǵan sarapshylar talqylaǵan basty másele Kaspıı óńirindegi elderdiń ózara yntymaqtastyǵy boldy.
«Bizdiń elde 150 gazet shyǵady, 100-den astam telearna habar taratady. Iranda baspasóz erekshe bilim, tipti ǵylym retinde qabyldanady. Kóptegen JOO-ǵa gazet isi stýdentterge ǵylymı salasy retinde oqytylady», - deıdi Irannyń aldyńǵy qatarly aqparat agenttiginiń ıesi Ibragım Zalalı.
Ol ekijaqty kelisim negizinde Reseıdiń, Qazaqstannyń jáne Ázerbaıjannyń BAQ ókilderimen biryńǵaı aqparattyq keńistik qurý usynysyn bildirip, dál osyndaı kelisimdi olar Máskeýdegi aqparat agenttikteriniń birimen jasasqanyn tilge tıek etti.
Sharada sóz sóılegen Kaspıı óńiri elderiniń basqa sarapshylary da ırandyq áriptesteriniń pikirin qoldap, qazirgi jaǵdaıda Kaspıı mańy elderiniń medıa keńistigin biriktirýdiń mańyzyn atap kórsetti. Osyǵan oraı elder arasynda odan ary aqparat almasý jáne yntymaqtastyq jasaý úshin qajet tetikterdi jasap shyǵý jóninde naqty usynystar aıtyldy.
