Atyraý kásipkerleri qant baǵasyn 41 paıyz, qaraqumyq jarmasyn 2 ese ósirgen
Atyraý oblysy ákiminiń orynbasary Marat Mýrzıevtiń tóraǵalyǵymen áleýmettik mańyzy bar azyq-túlik taýarlaryna baǵa belgileý, deldaldyq shemalardy tergeý jónindegi komıssııanyń kezekti otyrysy ótti.
«Komıssııa otyrysynda óńirge áleýmettik mańyzy bar taýarlardy ákeletin kóterme tasymaldaýshylar arasynda zań buzýshylyqtardyń aldyn alý boıynsha júrgizilgen taldaý jumystarynyń qorytyndysy qaraldy. Máselen, «A» jeke kásipkerligi «B» jeke kásipkerliginen kartop, sábiz, pııaz, qyryqqabat, qant, qaraqumyq, tuzdy tómendetilgen baǵamen satyp alǵan. Alaıda bul azyq-túlikterdi «ıÝ» JShS-ne eki ese qymbatqa satqany anyqtaldy. Osyǵan oraı mamandar qoldanystaǵy zańnama talabyna sáıkes sharalar qabyldady», - dep habarlady óńirlik kommýnıkatsııalar qyzmeti.
Atalǵan komıssııanyń júıeli jumysynyń nátıjesinde azyq-túlik taýarlarynyń baǵasyn negizsiz ósirgen 9 kásipkerlik sýbektisi ákimshilik jaýapkershilikke tartylǵan. Olar qant ónimderine 41% ústeme baǵa qosyp, aýqymdy kólemdegi qaraqumyq jarmasyn eki ese qymbatqa satqan.
«Komıssııa músheleriniń sheshimimen Atyraý oblysynyń saýda jáne tutynýshylardyń quqyqtaryn qorǵaý departamentine aldaǵy ýaqytta baǵany turaqtandyrý boıynsha jumysty uıymdastyrý tapsyryldy.
«Saýda qyzmetin retteý týraly» zańynyń 9-babyna sáıkes ishki saýda sýbektisi áleýmettik mańyzy bar azyq-túlik taýaryna áleýmettik mańyzy bar azyq-túlik taýaryn berý shartynda kórsetilgen, óndirýshiniń bosatý baǵasynyń nemese kóterme saýda arqyly berýshiniń satyp alý baǵasynyń 15 paıyzynan aspaıtyn shekti saýda ústemesiniń mólsherin belgileıdi», - dep málim etti óńirlik kommýnıkatsııalar qyzmetinen.
Eske sala ketelik, budan buryn Atyraýda azyq-túlik baǵasynyń ósýine deldaldar sebep bolǵanyn habarlaǵan edik.
