Atyraý qalasynyń sol jaǵalaýyna gaz berý toqtatyldy

ATYRAÝ. QazAqparat – Atyraýda Jaıyqtyń sol jaǵalaýyna gaz berý eki kúnge toqtatyldy, dep habarlaıdy QazAqparat.

Oblystyq tótenshe jaǵdaılar departamenti baspasóz qyzmetiniń málimetinshe, jóndeý jumystaryna baılanysty gazben jabdyqtaý ýaqytsha toqtatylǵan.

«Atyraý qalasynda dıametri 325 mm bolatyn joǵary qysymdy gaz qubyryna profılaktıkalyq-josparly jóndeý júrgizilip jatyr. Osyǵan baılanysty búgin, 27 qyrkúıekte qalanyń sol jaǵalaý bóliginde Elevatornyı aýmaǵynan Damby aýylyna

deıin, naqtylaı aıtqanda, «Vokzal mańy», «SMP», «Turǵyn úı qalashyǵy» men «Balyqshy» shaǵyn aýdandaryndaǵy tutynýshylardy gazben jabdyqtaý ýaqytsha toqtatyldy. Jóndeý jumystary erteń, 28 qyrkúıekte de jalǵasady», -dep habarlady departamenttiń baspasóz qyzmeti.

Joǵary qysymdy gaz qubyryn jóndeý jumystaryna «IntergazOrtalyqAzııa» jáne «KazTransGazAımaq» AQ-nyń qyzmetkerleri jumyldyrylǵan.

Eske sala ketelik, budan buryn Atyraý qalasynyń sol jaǵalaýyna gaz berý ýaqytsha

toqtatylatynyn habarlaǵan edik.