Atyraý qalasynyń mańynda jańa balabaqsha ashyldy
Jańa mektepke deıingi mekeme qala syrtyndaǵy Erkinqala aýylynda ashyldy. Balabaqsha 290 oryndy. Eki qabatty ǵımaratqa ınjenerlik jeliler tartyldy, onda barlyq qajetti zamanaýı tehnıkalyq jabdyqtar ornatylǵan, onyń ishinde as bólmesi, kir jýý orny jáne medıtsınalyq bólme bar. Balabaqsha qolaıly jıhazdarmen jabdyqtalǵan, akt jáne sport zaly bar. Balalardyń qyzyǵýshylyqtary boıynsha túrli úıirmelerge qatysý múmkindigi de qarastyrylǵan.
Ashylý saltanatyna qala ákimi Álımuhammed Quttymuratuly qatysty. Óziniń quttyqtaý sózinde qala basshysy jańa mektepke deıingi mekemeni ashý mańyzdylyǵyn atap ótti.
«Erkinqala aýylynda bul balabaqshany QR Tuńǵysh Prezıdenti kúni qarsańynda ashtyq. Qaladaǵy jer qoınaýyn paıdalanýshy kompanııalardyń qoldaýymen mektepke deıingi mekemeler men basqa da áleýmettik nysandardyń jetispeýshiligi máselesi belsendi túrde sheshilip jatqandyǵy qýantady. Jergilikti turǵyndardy asyǵa kútken osy mekemeniń ashylýymen shyn júrekten», - degen quttyqtaý sózin arnady Álımuhammed Quttymuratuly turǵyndarǵa.
Demeýshilerdiń aıtýynsha, qazirgi tańda áleýmettik jobalar men baǵdarlamalardy júzege asyrý «NCOC» konsortsıým qyzmetiniń ajyramas bóligine aınaldy.
«Aıta keteıik «NCOC» pen Atyraý ákimdiginiń áriptestik qatynasynyń mańyzdylyǵyn atap ótý kerek. Eki jańa mektepke deıingi mekemeAtyraý turǵyndarynyń ıgiligi úshin jumys jasaıtyn bolady», - dep atap ótti óziniń quttyqtaý sózinde Infraqurylym jáne áleýmettik taǵaıyndaý jobalary departamentiniń menedjeri Rýslan Áýbekerov.
