Atyraý qalasynyń mańynda balyqtyń qyrylý sebebi aıtyldy
Budan buryn Atyraý qalasynyń mańynda balyq qyrylǵanyn jazǵan edik.
Búgin, 26 sáýirde Atyraý qalalyq ákimdigine qarasty Qaıyrshaqty aýyldyq okrýgindegi Bezymıannyı kólinde balyq qyrylǵan.
Atalǵan sý aıdynyna arnaı qurylǵan komıssııa quramynda «Jaıyq-Kaspıı» oblysaralyq basseındik balyq sharýashylyǵy ınspektsııasynyń ınspektorlary jiberildi.
Inspektorlar balyqtyń álsiregen kúıde qaırańǵa shyǵyp qalǵanyn anyqtady.
«Balyqtyń qyrylýyna qaırań jerge shyǵyp qalǵany sebep bolýy múmkin. Álsiregen balyqtardy qutqarý jumystary júrgizildi. Sońǵy bes kún boıy Bezymıannyı kóline sý kelip jatyr. Biraq, balyqtyń ólý deregi tirkelmedi. Ólgen balyqtardy sanıtarlyq talapqa saı joıý qolǵa alyndy», -deıdi ınspektsııa basshysy Nurlybek Gaısın.
Oblystyq balyq sharýashylyǵy basqarmasynyń basshysy Artýr Sádibekulynyń málimetinshe, kóktemde balyqtar ýyldyryq shashý úshin qolaıly óriske shyǵady.
Búgin qyrylǵan balyq kanal aýzyna kelip tirelip qalǵan. Qazir qarakóz balyǵynyń 65 keli óli shabaǵy jınalǵan.
«Qazir balyqtardyń ýyldyryq shashý ornyna erkin kirýi úshin Qaıyrshaqty okrýgi aýmaǵynan 800 metr kanal qazyldy. Kanaldyń tereńdigi – shamamen 1 metr. Mamandar ólgen balyqty jınap aldy. Ólgen balyq sanıtarlyq talaptarǵa sáıkes kómý jolymen joıylady. Tiri balyqtar súzilip, Jaıyq ózenine jiberiledi», -dedi Artýr Sádibekuly.
