Atyraý qalasynyń aýmaǵyna 2 eldi meken qosylady

ATYRAÝ. QazAqparat – Atyraý qalasynyń aýmaǵyna 2 eldi meken qosylady. Bul týraly Atyraý qalasynyń ákimdigi Facebook paraqshasynda jazdy, dep habarlaıdy QazAqparat.

«Almaly jáne Bereke aýyldyq okrýgteriniń qosylýy nátıjesinde oblys ortalyǵynyń aýmaǵy 7,145 gektarǵa ulǵaıady»,-delingen habarlamada.

Qalalyq jer qatynastary bóliminiń basshysy Naýryzbek Qumarovtyń aıtýynsha, qazirgi kezde joǵaryda atalǵan eki aýyldyq okrýgte 8 myńǵa jýyq adam turady.

«Buǵan deıin Atyraý oblysy ákimdiginiń 2016 jylǵy 15 naýryzdaǵy № 44 qaýlysymen Geolog aýyldyq okrýgin qalaǵa qosý týraly qaýly shyqqan bolatyn. Mahambet aýdanyna qarasty eldi mekenderdiń oblys ortalyǵyna qosylýyna baılanysty qala aýmaǵy 45 871 gektardy quraıdy», - dedi Naýryzbek Qumarov.