Atyraý qalasynyń aýasy neden lastanǵandyǵy belgili boldy
ATYRAÝ. QazAqparat – Atyraýda aýadaǵy kúkirtsýtegi kontsentratsııasynyń shekten tys artýyna kináliler belgili boldy, dep habarlaıdy QazAqparat tilshisi QR Ekologııa, geologııa jáne tabıǵı resýrstar mınıstrliginiń baspasóz qyzmetine silteme jasap.
«Atyraýdaǵy aýanyń lastanýy jáne kúkirtsýteginiń ıisi týraly kópshiliktiń shaǵymy negizinen «Sý Arnasy» kompanııasynyń qaladaǵy tazartylmaǵan sýlardy aǵyzýymen, sondaı-aq Atyraý munaı óńdeý zaýytynyń (MÓZ) qaldyqtarymen baılanysty.
Ekologııa mınıstrligi qabyldaǵan sharalardan keıin sot arqyly «Sý Arnasy» qyzmeti toqtatyldy, Atyraý MÓZ josparly jóndeýge kiristi. Qalada aýany lastaý máselesin Atyraý ákimdiginiń tazartý nysandaryn salý jónindegi mıllıardaǵan qarjy turatyn jobasyn júzege asyrý arqyly sheshý kerek, degenmen ol kesheýildeýde», - dep habarlady QR Ekologııa, geologııa jáne tabıǵı resýrstar mınıstrligi Ekologııalyq retteý komıtetiniń tóraǵasy Zulfyhar Joldasov.
Onyń aıtýynsha, Ekologııa mınıstrligi aǵyn sýlarǵa jaýap beretin kompanııalardy, sonyń ishinde Atyraý MÓZ-in tekserýdi bastaıdy. Jergilikti ákimdik «QazMunaıGazben» birlesip, arnaıy kelisimge sáıkes, qalada las sý jınalýy saldarynan kúkirtsýtegi býlary paıda bolatyn oryndy qalpyna keltirýdi de qolǵa alýy kerek.
Avtor: Vıktor Sýtıagın
