Atyraý qalasynyń ákimi azyq-túlik baǵasyn baqylaýǵa aldy

ATYRAÝ. QazAqparat –Atyraý qalasynyń ákimi Qaırat Orazbaev azyq-túlik baǵasynyń baqylaýǵa alynatynyn málim etti, dep habarlaıdy QazAqparat.

Onyń aıtýynsha, budan bylaı turǵyndar birinshi kezekte tutynatyn azyq-túlik baǵasynyń óskenine kýá bolsa, ákimdiktiń jaýapty mamandaryna jazbasha shaǵym qaldyra alady.

«Qalalyq kásipkerlik jáne aýyl sharýashylyǵy bólimi azyq-túlik baǵasynyń negizsiz óspeýin qadaǵalaıdy. Búginde áleýmettik mańyzy bar 9 túrli azyq-túlik ónimine shekti baǵa belgilendi. Sondaı azyq-túlikterdiń qataryna birinshi sortty bıdaı uny, bólke nan, ólshengen makaron, qaraqumyq jarmasy, kúrish, sıyrdyń tós eti, taýyq jumyrtqasy, kúnbaǵys maıy men as tuzy kiredi. Qazirgideı jaǵdaıda kásipkerlerdiń atalǵan azyq-túlikterdiń baǵasyn kóterýge quqyǵy joq. Eger olar baǵany shekti deńgeıden asyrsa, jaýapty mamandar tekseris júrgizip, tıisti shara qabyldaıtyn bolady, - dedi Qaırat Orazbaev.