Atyraý qalasyndaǵy jaǵymsyz ıisti joıý úshin ne isteledi
NUR-SULTAN. QazAqparat – Atyraý qalasyndaǵy jaǵymsyz ıisti joıý úshin keshendi is-sharalar qabyldanady. Bul týraly Ortalyq kommýnıkatsııalar qyzmetindegi brıfıng barysynda Atyraý oblysynyń ákimi Mahambet Dosmuhambetov aıtty, dep habarlaıdy QazAqparat tilshisi.
«Atyraý qalasy turǵyndary jıi kóteretin máseleniń biri - atmosferalyq aýa sapasy. Olardy oblys ortalyǵynda aýada jaǵymsyz ıistiń taralýy alańdatady. Bul ondaǵan jyldar boıy turǵyn úıler men kásiporyndardyń kárizdik sýlaryn tazartý qondyrǵylarynyń bolmaýynan týyndaǵan másele», - dedi Mahambet Dosmuhambetov.
Onyń aıtýynsha, oblys ákimdigi bul problemany sheshý úshin 2021-2025 jyldardy qamtıtyn keshendi is-sharalar qabyldaǵan.
«Sonyń ishinde, bıyl qalanyń sol jaq bóligindegi jańa kárizdik-tazartý ımaratyn iske qosý josparlanýda», - dedi oblys basshysy.
