Atyraý qalasyndaǵy senbilikte 65 tonna qoqys jınaldy
ATYRAÝ. QazAqparat - Atyraý qalasyndaǵy senbilikke 9 myńǵa jýyq qala turǵyny qatysty, dep habarlaıdy QazAqparat Atyraý ákimdiginiń baspasóz qyzmetine silteme jasap.
29 qyrkúıekte Atyraýda jáne qala mańyndaǵy aýyldyq okrýgterde eki aılyq sanıtarlyq tazalaý aktsııasy aıasynda qalalyq senbilik ótti. Qoqystardy jappaı tazartýǵa 631 nysan jáne 63 tehnıka jumyldyryldy. Senbilikke barlyǵy 8905 adam tartyldy.
«Atap aıtar bolsaq, Samal jáne Jumysker shaǵyn aýdandarynyń qoqystary tolyǵymen tazalandy. Bolashaqta sanıtarlyq normalar men erejelerdi birneshe ret buzǵan azamattarǵa ákimshilik sharalar qoldanylatyn bolady», - dedi Atyraý qalasy ákiminiń orynbasary Nurlan Taýbaev.
Aıta ketelik, qalany eki aılyq sanıtarlyq tazartý 15 qyrkúıekte bastaldy. Jalpy qalalyq senbilikter aıasynda jeke uıymdar men mekemeler óz aýmaqtaryn tazartý boıynsha is- sharalar júrgizýde.
